MTR有回應了
好大段字，係咁遊花園，推左個Annie出嚟做靶，
直頭當左要回應既指控係宣傳既機會…
歸納既意思就係：
「我抄好多諗過呢個idea既人架，淨係抄你咩！」
大家好。我係MTR嘅客戶體驗拓展總經理Annie。
琴晚有startup出咗個Facebook post，講關於我哋MTR Mobile嘅兩個新功能：快捷出站同站內搜尋功能。今日我就同小編借咗個位，喺度分享下我嘅回應。
其實喺2013年，我哋都留意到紐約有app提供地鐵快捷出口嘅功能；而之後我哋亦見到香港開始有唔同嘅app，其中包括 Pokeguide，都係主打或提供類似嘅功能。同時間，有唔少乘客同我哋講過，希望可以加啲類似嘅function入去MTR Mobile方便佢哋。所以，我哋過去有同唔同嘅單位傾過，包括 Pokeguide 同其他startup，睇下喺唔同嘅範疇有冇可以合作嘅空間。喺衡量過不同方法嘅利弊之後，包括資料準確性同發展方向等等，最後我哋決定喺我哋自己嘅MTR Mobile加入快捷出站功能，方便乘客。
至於站內搜尋方面，喺2015年嘅時候已經有人建議過我哋，可以應用Beacon呢個技術喺我哋嘅app上面，提供導航及提示功能。而喺坊間一啲大型基建同德福廣場亦都有應用呢個技術，所以我哋都著手研究，最後將呢個技術應用埋喺站內搜尋功能。
各位fans，我係一個比較傳統嘅人，但我都知道世界未來嘅發展係要靠年輕人嘅。所以我都好希望喺唔同嘅範疇包括I.T.同Social Media等等，同多啲startup合作。而將來亦會多注意喺溝通上面有冇可以做得更好嘅地方。
我哋會喺今日聯絡返 Pokeguide 講返呢件事。我明白到大家對呢件事都好關心，你哋嘅所有comment我都會睇晒㗎。多謝你哋！
Annie
Search